Azaroaren 19an eta 26an izango da Eibarko Markeskoa jauregian Gauxotasun konplexuen genetika ikastaroa. Bereziki bizi-zientzietan, hau da, biologia, biokimika, medikuntza eta mota horretako  ikasketak dituztenei edo azken kurtsoetan dauden ikasleei zuzenduta dago. 7 aditu arituko dira irakasle lanetan.

Ikastaroaren helburuak honako hauek dira:

• Gaixotasun arrunten herentziaren konplexutasuna ulertu eta arrisku genetikoaren kontzeptua bereganatzea.
• Inplikaturiko geneak bilatzeko estrategien oinarri teorikoa ulertzea.
• Gene hautagaien azterketa funtzionalak egiteko metodologia ezagutzea.
• Analisi masiborako lanabes informatikoak ezagutu eta erabiltzen ikastea.

Oraindik irekita dago izena emateko epea. Informazio gehiago  http://www.ueu.org/ikasi/ikastaroa-ikusi/357/Gaixotasun%2Bkonplexuen%2Bg... helbidean aurkituko duzu.