Albisteak Argitalpenak Estekak Hiztegia Twitter

Hiztegia

Berbia

Eskribidu billau nahi dan berbia. Erabili * ordezko moduan. Esaterako: era* (era-z hasten diran berbak agertuko dira). Edo *era (era-z amaitzen diran berbak agertuko dira). Eremu guztietan klikatu ezkero, atal guztietan billauko da berbia (adibidietan, jakingarrixetan...).  Zehaztasun gehixago nahi ezkero billaketa aurreratua erabili.

Albisteak

"GAIXOTASUN KONPLEXUEN GENETIKA" IKASTAROA UEUn

Azaroaren 19an eta 26an izango da Eibarko Markeskoa jauregian Gauxotasun konplexuen genetika ikastaroa. Bereziki bizi-zientzietan, hau da, biologia, biokimika, medikuntza eta mota horretako  ikasketak dituztenei edo azken kurtsoetan dauden ikasleei zuzenduta dago. 7 aditu arituko dira irakasle lanetan.

Ikastaroaren helburuak honako hauek dira:

UME ELEBIDUNEK ERRAZAGO IKASTEN DITUZTE HIZKUNTZA BERRIAK

Whashintongo Unibertsitateko ikerlari talde baten arabera giro elebidunean hazitako umeei gehiago irauten die hizkuntza berriak ikasteko ahalmenak. Horra hor albistea http://noticiasdelaciencia.com/not/2361/criar_un_bebe_en_un_entorno_bili...

EUSKAL HERRIKO HITZ GURUTZATUEN V. TXAPELKETA

Azaroaren 26an Euskal Herriko hitz gurutzatuen V. txapelketa jokatuko da Irunen, LUMA aldizkariak antolatuta eta Irungo Udalaren babesarekin.

Egun horretan aukera paregabea izango da hitzarekin euskaraz jostatzeko eta gozatzeko.

<!--break-->

Lehiaketa Ola sagardotegian jokatuko da, eta lehiakideek 4 taula bete beharko dituzte. Bazkaria ere bertan izango da eta giro paregabez espero da, bertan izango baitira bertsolariak, trikitilariak, txaranga eta abar.

HIRU LUMAK UMEEN LIBURUTEGIAN

Urriaren 29an, larunbatean, txotxongiloak izango dira umeen liburutegian. Eibarko umeek arratsaldeko 6etatik aurrera Hiru lumak txotxongilo emanaldiarekin gozatu ahal izango dute.

EIBARKO AHOZKO ONDAREA IKASTETXEETAN

Badihardugu Euskara Elkarteak Udalaren laguntzarekin eta Schindler (www.schindler.es/esp-index) enpresaren babesarekin, ikasturte honetarako martxan jarri du Ahotsak.com ikastetxeetan egitasmoa. Egitasmo horren bitartez Eibarko ahozko ondarea ikastetxeen esku jarri da. Horretarako www.ahotsak.com web gunean atal berezi bat zabaldu da. Bertan ikastetxeek lantzen duten kurrikulumarekin lotura duten eibartarren pasarteak jaso dira.

Egitasmo honetan parte hartzen dihardute  San Andres, Aldatze eta Juan Antonio Mogel ikastetxeek.

IRRIEN LAGUNAK KLUBA UME ETA GURASOENTZAKO

www.irrienlagunak.com web gunean ume eta gurasoentzako kluba aurkituko duzue.Sartu eta probatu. Lehiaketak, Irria aldizkaria, lagunei zorionak emateko tartea eta hamaika gauza aurkituko duzue, bai gurasoontzat, bai umeentzat.

"MODAREN SEKRETUAK: TENDENTZIAK ETA AHOLKUAK" IKASTAROA ...ETA KITTOn

...eta Kitto! Euskara elkartean Modaren sekretuak: tendentziak eta aholkuak ikastaroa eskainiko da azaroaren 3an, 10ean, 17an, eta 24an, 18:30ean hasita.

Izen-ematea urriaren 17tik 28ra dago zabalik ..eta kitto! euskara elkartean bertan (Urkizu, 11 solairuartea) edo telefono honetara deituta: 943 200918.

Bazkideek eta berbalagunek 10 € ordaindu beharko dute, eta  gainontzekoek 12 €.

2011KO EUSKADI LITERATURA SARIAK JUAN SAN MARTIN UDAL LIBURUTEGIAN

2011ko Euskadi Literatur Sarietan Ur Apalategi Fikzioaren izterrak ipuin bildumarengatik izan da saritua euskarazko sailean. Miren Agur Meabek Errepidea lanarengatik lortu du haur literatura saria.

Itzulpenen atalean, irabazle Carlos Zabala izan da Zubi bat Drinaren gainean lanarekin, eta euskarazko saiakera atalean Joseba Sarrionandia  Moroak gara behelaino artean? saiakerarekin.

Lan horiek guztiak Eibarko Juan San Martin Udal Libururtegian dituzue eskuragarri.

HOBETUZen IKASTAROAK EUSKARAZ UEUn

HOBETUZ programako ikastaro batzuk euskaraz eskainiko dira, lehen aldiz UEUren eskutik. Ikastarook doakoak dira EAEko langile eta langabetuentzat.

Honako hau da UEUn egingo den eskaintza:

  • Bileren dinamizaziorako teknikak
  • Ideiak sortu eta antolatzeko teknikak: buru-mapak (mind-mapping)
  • Linux erabilten hasi: Ubunturako sarrera.
  • Jendaurrean hitz egiteko teknikak.

Informazio gehiago  http://www.unibertsitatea.net/blogak/ueu365/hobetuz-langile-eta-langabet... helbdean klik eginda.

ARRETA FALTA ETA HIPERAKTIBITATEARI BURUZKO IKASTAROA MARKESKOAN

UEUk antolatu de Arreta falta eta hiperaktibitatea duten ikasleekin modelatze-lana izeneko ikastaroa.

Azaroaren 3an hasi eta ostegunero izango da abenduaren 1 arte, 17:00etatik 20:00etara. Guztira 15 ordukoa izango da.

Ikastaroa AFHN (TDAH) duten umeen guraso eta irakasleei dago zuzendua. 

Informazio zabalagoa http://www.ueu.org/ikasi/ikastaroa-ikusi/359/Arreta%2Bfalta%2Beta%2Bhipe... aurkituko duzue.