| Albisteak | Argitalpenak | Estekak | Hiztegia |
Aurreko urteetan bezala, otsailerako Udal Euskaltegiak eta AEK-k udalarekin lankidetzan lehiaketa prestatu dute.
Aurtengo edizioan lehiaketaren gaia Eibarko gaitzizenak izango da. Izan ere, duela 25 urte argitaratu zuen Ego Ibarrak Antxon Narbaizak idatzitako Eibarko gatxizenak liburua.
Lehiaketa hau aitzakia izango da orain dela 25 urte kaleratutako liburuari hautsa kentzeko eta gaur egungo ume eta gaztetxo eibartarrei herri honetan hain errotuak egon diren gaitzizenen berri emateko.
Abenduaren 3an, asteazkenean, Euskararen Nazioarteko Eguna ospatuko da. Aurten Topagunearen leloa gai harturik antolatu du eguna euskalgintzak.
EGITARAUA
18:00 Udalbatzar berezia Eibarren euskararen erabilera arautzeko ordenantza onartzeko.
19:00 Toribio Etxebarria kalean (bustoaren aurrean) bertsoa eta manifestua irakurriko dira.
Ondoren, kalejira Untzagaraino. Partehartzaileei argi egiten duen zerbait eramatea eskatzen zaie (kandela, linterna...)
Irailaren 20an, Eibarren euskaraz bizi nahi dut egitasmoaren barruan egin zen azoka eta flashmobaren irudiak honako helbide hauetan dituzue ikusgai:
Eibarko Udalak ikasturte honetan euskara ikasi nahi duten langabetuentzako tasa bereziak onartu ditu. Horrela Udal Euskaltegian edo AEKn izena ematen duten langabetuek matrikularen erdia ordaindu beharko dute. Eibarko Udalak neurri honen bitartez Eibarko langabetuek euskara ikasi eta lana topatzeko erraztasunak izatea nahi dute.
Euskaltegietan euskara ikasi, maila hobetu edota ziurtagiriren bat lortzeaz gain, harreman sareak zabaltzen dira eta horrek ere lana topatzeko aukerak zabaltzen ditu.
Interesa dutenek jo dezatela euskaltegi hauetara:
Datorren larunbatean, irailaren20an, Eibarren Euskaraz Bizi Nahi Dut egitasmoa burutuko da.
Egitaraua:
11:00-14:00 Euskararen Azoka Untzaga plazan
13:00 Flashmob-a "Euskaraz bizi nahi dut" Untzaga plazan
22:30 Betrso Musikatuak Txalatxa zelaian.
Aurtengo nobedadea flashmob-a da,
Ikusi HEMEN dantzarako pausoak, eta animatu larunbatean. Helburua ondo pasatzea da.
Erantsitako dokumentuan duzue iraileko Euskararen Agenda. Bertan irailean zehar Eibarren euskaraz eta euskararen inguruan izango den eskaintzaren eta aukeren berri ematen da.
Eibarren ekainean zehar euskaraz edota euskal kulturaren inguruan antolatu diren ekitaldien agenda dago erantsitako artxiboan.
Ekainaren 9an, astelehena, Portaleko Areto Nagusian, Fénix 11*23 filma ikusteko aukera izango da. Jatorrizko hizkuntza katalana du, baina euskaraz azpititulatua emango da.
Filmaren 3 emanaldi egingo dira, denak irekiak eta doan. Lehena goizeko 9,45tan, bigarrena 14:30ean eta azkena 19:00etan.
Filma hau gertatutako bizipen batean oinarritua dago. Éric Bertran 14 urteko katalan gaztea egun batean terrorista informatikoa izateaz akusatu zuten, bere krimena supermerkatu-kate bati mezu bat bidali izana bere produktuak katalanez ere etiketatzeko eskatuz.
Datorren astelehenean, ekainaren 2an, zabaltzen da euskalduntze-alfabetatzerako udako ikastaroetan izena emateko epea. Izen-ematea ekainaren 19 arte egin daiteke Udal Euskaltegian, Bista Eder 10, PORTALEAn.Telefonoa 943700912 e-posta euskaltegia@eibar.net .
Ikastaroak 100 ordukoak izango dira eta maila guztiak eskaintzen dira.
Datorren asteazkenean, maiatzaren 28an, PORTALEko Areto Nagusian, goizeko 9,30etan Fernando Garitagoitia biologoak gure mendietako hartzari buruzko hitzaldia emango du.
Hitzaldia irekia da, baina bereziki euskaltegietako ikasleei zuzendua dago.
Antolatzailea Udal Euskaltegia da.
