| Albisteak | Argitalpenak | Estekak | Hiztegia |
Urriaren 3tik azaroaren 11ra bitartean, Euskadi Irratian eta Radio Euskadin 190 irrati tarte emitituko dira. Horietatik 17 Eibarko Udalak izenpetuak izango dira.
Kanpaina honen helburua guraso euskaldunak bikote hizkuntza euskara izateak duen garrantziaz ohartaraztea da.
Eibarko Udal Euskaltegian 4. mailako taldea osatu da. Talde horren helburua 4. Hizkuntza Eskakizuna edo 4. mailako titulo ofiziala eskuratzea da.
Talde horretan izena eman ahal izateko EGA edo baliokide den agiriren bat izan behar da aurretik.
Klaseak astearte eta asteazkenetan izango dira 18:00etatik 20:30era.
Oraindik plaza batzuk badaude eta izena emateko epea urriaren 6 arte luzatu da.
Xehetasun gehiago nahi izanez gero, deitu 943 700912 telefonora edo idatzi euskaltegiaeibar@telefonica.net helbidera
Aurreko urteotan bezala, ikasturte honetan ere, Udalak, AEK-k eta Udal Euskaltegiak elkarlanean kanpaina berezi bat egin dute gurasoak euskara ikastera animatzeko. Kanpaina horren barruan HH eta LHko umeak dituzten gurasoei zuzendutako informazio-bilera egin zen irailaren 13an, eta interesa duenak aukera dauka oraindik izena emateko, Euskara sailera deituta (943708435). Diru-laguntza bereziak egoten dira 0-12 urteko seme-alabak dituzten gurasoentzat.
UEUk eskaintza zabala prestatu du aurtengo udazkenerako ere. 9 ikastaro antolatu dituzte 3 jakintza alorretan sailkatuta: informatika eta teknologia berriak, giza eta gizarte gaiak, eta zientziak eta osasuna. Denak Eibarko Markeskoa jauregian eskainiko dira.
Izen-ematea irailaren 12an hasi da eta ikastaro bakoitza hasibaino astebete lehenago amaituko da. Lehenego ikastaroak urriaren erdi aldera hasiko dira, eta gainerakoak azaroaren hasieran.
Horra hor udazkenerako eskaintza:
Gipuzkoako Bertsolari Txapelketako final zortzirenetako saio bat Eibarren izango da, irailaren 24an, larunbata, 17:30ean hasita.
Emanaldia Coliseoan izango da, eta bertan lehiatuko dute Iñaki Gurrutxagak, Agin Rezolak, Jokin Labayenek, Nerea Elustondok, Felix Zubiak eta Iker Osak.
Saio honen eta txapelketaren gaineko informazio osoa www.gpuntua.com webgunean izango da eguneratua.
Multikirolak Lehen Hezkuntzako 3, 4, 5 eta 6 mailetako ikasleei zuzendutako eskolaz kanpoko egitasmoa da. Gipuzkoa osoan burutzen da Foru Aldundiaren, udalen eta ikastetxeen lankidetzari esker.
Eibarren ahalegin berezia egiten da egitasmoa euskara hutsean garatu dadin. Horretarako kirol monitore euskaldunak dituen enpresa kontratatzen da.
Irailaren etorrerarekin Eibarko euskaltegietan izena emateko epea ireki dute. Udal Euskaltegian irailaren 5etik 22ra egongo da matrikulatzeko aukera, eta AEKn irailaren 1etik 30era bitartean.
Ohiko klase presentzialez gain, autoikaskuntza bidezkoak ere egongo dira.
Udalak, AEK-k eta Udal Euskaltegiak elkarlanean kanpaina berezia egingo dute gurasoentzako. Kanpaina horren barruan HH eta LHko umeak dituzten gurasoei zuzendutako informazio-bilera egingo da PORTALEan, irailaren 13an,18:00etan. Guraso horientzat diru-laguntza bereziak egoten dira.
Juan San Martin beka Eibarko udalak ematen du UEUrekin lankidetzan. Bekaren helburua euskarazko ikerketa sustatzea da eta Juan San Martin ikerlari eibartarra omentzea. Lantzeko urtez urte eskaintzen diren gaiak Juan San Martinek bere bizitzan zehar landutakoak dira.
Aurtengoa X. edizioa da eta landuko den gaia MENDIZALETASUNA. Beka 9.000 €koa da.
Eusko Jaurlaritzako Hizkuntza Politika Sailburuordetzak B motako gidabaimena euskaraz eskuratzeko ekimena jarri du martxan.
Gidabaimena euskaraz lortzeko aukera ematen duten autoeskolen artean Eibarko Solozabal autoeskola dago, eta honako materiala aurkitu daiteke bertan: trafikoaren araudia euskaraz, multimedia programa erakargarria eta azterketa eguneratuez osatutako CDa. Gainera, propio prestaturiko irakasle euskaldunak daude.
Dagoeneko badira baliabide teknikoak eta pertsona aproposak prestakuntza akademikoa eta azterketak euskaraz egin ahal izateko.
Opor garaia dator eta umeek denbora gehiago pasatzen dute telebistaren eta ordenadorearen aurrean, gurasook oporrak hartu arte behintzat. Azpian duzuen helbide horretan sarean dauden euskarazko marrazki bizidunak dituzue. Kontuan izanik ohiko telebistako eskaintza ia guztia gazteleraz dela, hor duzue aukera polita umeei euskarazko dibertsioa eskaintzeko.
