Landara izenak | Eibarko euskara

gisats. iz. (ETNO). Retama (Genista hispanica, Cytisus sp.). Ik. kiru.

katu-lora. iz. (ETNO). Izena jaso dogu, baiña lekukuak ez daki zigur nepeta dan ala ez. Katu lora (Stachys lanata). (JME).

batana. iz. (TE). Menta, hierbabuena (Mentha suavolens). "Planta silvestre olorosa, variedad de la menta" (TE, 226). Batana, ardi edo arkakotxuen kontrakua dala esaten dabe. / Oso antzerakuak dira bixak, batania eta mendafiña. Baiña igartzen da, zein dan zein. Bai, mentak asko dagoz, 2 edo 3 diferentiak bai. Baiña usaiña ona beti. Lehen armarixuetan-eta ipintzen zan, usain gozua emoteko; ohian be bai. Kokua hiltzen dau horrek. Ik. mendafin, menta-bedar.

malbabisko. iz. (ETNO). Malvavisco (Althaea officinalis).

1 . hur. iz. (TE). Avellano (Corylus avellana). Hurra, kareharrizko sailletan etortzen da hobeto. Ik. hur-arbola, hurritx. Eibarren h-rik esaten ez danez, mugagabian ur-ekin nahastau leike, baiña hur-en kasuan artikulua edo edozein kasu marka hartzerakuan amaieran konsonante dardarkarixa anitza da, urra, eta ur-en kasuan artikulua hartzerakuan ura egitten da.

pipar-bedar baltz. iz. (ETNO). Tomatillo del diablo (Solanum nigrum).

1 . madari. iz. (TE). Peral (Pyrus communis). Gure etxeko ostian madari haundi adartsu bat zan . / Ariatzan Indianokuak zekan ortua. San Juan kalia? Hasi Ardantzatik eta palazioraiño ortuak dana. Ta han eguazen arbolak!? Madari-arbolak eta... itzalak baiña! Eta han Bartolo eguan, ha zaintzen ebana. Eta guk lapurretan eitteko, madarixak hartzeko -orduan gaztiak, eta buru ona- zer eitten genduan? Palo luze bat hartu, urkilliakin, ta azpixan pote haundi bat ipini alanbriakin lotuta; ta gero, beste palo baten lotzen genduan igetaixa, ha be lapurretan egindakua. Ta igetaixakin madarixa ebagi "ttas!", ta pote barruan sartu! Ta Bartolo behetik begira: "Txarrixok!". Ha agertu ordurako gu tuneletik estaziño kalera! Gu harrapau? Arreglauta eguan ha!. / Esr. Ixa-ixa madarixa.

uztau. iz. (ETNO). Romaza (Rumex sp.).

suba-lora (sube-lora). iz. (TE). Planta supuestamente venenosa. Suba-loria ederra baiña bestelako mingatxa. Ik. esne-lora, zapa-lora, suba-bedar.

I. Elizegi (CC-By-SA)

arabixa [ahabia]. iz. (ETNO). Arándano (Vaccinium myrtillus). Ik. maubi. Eibarren bertan ez dogu jaso, baiña inguruko herrixetan ezaguna da; guk Soraluze eta Elgetan jaso dogu; JME-k Bergaran.

Aurkibidea

Babesleak

Saioaren hasiera