Albisteak Argitalpenak Estekak Hiztegia Twitter

Hiztegia

Berbia

Eskribidu billau nahi dan berbia. Erabili * ordezko moduan. Esaterako: era* (era-z hasten diran berbak agertuko dira). Edo *era (era-z amaitzen diran berbak agertuko dira). Eremu guztietan klikatu ezkero, atal guztietan billauko da berbia (adibidietan, jakingarrixetan...).  Zehaztasun gehixago nahi ezkero billaketa aurreratua erabili.

Argitalpenak

Liburu hau Juan San Martin bekaren 2. edizioko irabazleak egindako lanaren emaitza da. Juan San Martin beka Eibarko Udalak kaleratzen du UEUrekin lankidetzan.

Albisteak

EUSKARAREN NAZIOARTEKO EGUNA. TORIBIO ETXEBARRIAREN LANAREN JENDAURREKO IRAKURKETA

Abenduaren 3an Euskararen Nazioarteko Eguna ospatuko da. Aurten, azken urteetako ohiturari jarraituta, Eibarko Udalak ...eta kitto! Euskara Elkartearekin lankidetzan antolatuko du egun hori.

Egun horren helburuetako bat Eibarko elkarte eta erakunde ahalik eta gehien euskararen ingururan batzea izaten da. Aurten helburu horrekin egitarau zabala antolatu da.

TORIBIO ETXEBARRIA LEHIAKETA 1. ASTEKO GALDERAK

Gaur hasten da Toribio Etxebarriaren jaiotzaren 125. urteurrena dela eta, antolatutako lehikaeta.

Aste honetako galderak erantzuteko azken eguna azaroaren 15a, osteguna, da.

Lehiaketan bi sail daude:

  • 12 urte artekoena, hau da, LH osoko ikasleei zuzendua 
  • irekia, edonork parte hartzekoa adin mugarik gabe.

Oinarriak hemen

Galderen inprimakiak erantsitako artxiboetan dituzue.

TORIBIO ETXEBARRIARI BURUZKO LEHIAKETA AZAROAN

Aurten Toribio Etxebarriaren jaiotzaren 125. urteurrena betetzen da. Hori dela eta, Eibarko Udaleko Euskara-Kultura  sailak eta Juan San Martin Udal liburutegiak Toribioren bizitza, ibilbidea eta idatzitako obrak eibartarren artean ezagunago izan daitezen lehiaketa antolatu du.

Lehiaketa azaroan zehar burutuko da. Azaroaren 9an, 16an eta 23an kaleratuko dira galderak Eta kitto astekarian eta udalaren honako web gune hauetan: www.eibarko-euskara.com eta liburutegiko blogetan.

GAUR HASIKO DA EIBARRERA IKASTAROA MARKESKOAN

Gaur, azaroak 6, asteartea, hasiko da Markeskoan eibarrera ikastaroa. Ordutegia 18:30-20:30 izango da, eta asteartero burutuko da.

Ikastaroa Eibarko Udalak antolatu du Badihardugu Euskara elkartearekin lankidetzan.

25 lagun inguruk eman dute izena 10 ordukoa izango den ikastaro honetarako. 

Ikastaroa Eibarko Udalak indarrean duen Euskara Biziberritzeko Plan Nagusiaren barruan kokatzen da. Bertako euskara landu, aztertu eta gordetzeko helburuarekin egiten da.

IXTORIO MIXTORIO DANTZA IKUSKIZUNA COLISEOAN

Maritzuli konpainiaren eskutik, datorren larunbatean, azaroaren 10ean, Coliseoan Ixtorio Mixtorio, umeen folklorea kolorez jantzia emanaldia izango da ikusgai.

Tradizioaren aurkezpen aberatsa, jantzien edertasuna eta umeen espontaneitatea elkartzen dira dantza ikuskizun honetan. Aipatzekoa da sorkuntzaren zati bat Eibarren burutu duela Maritzuli konpainiak, dantzan.com-en eskutik.

EIBARRERA IKASTAROA DATORREN ASTEARTEAN HASIKO DA MARKESKOAN

Datorren asteartean, azaroaren 6an, hasiko da eibarrera ikastaroa Markeskoa Jauregian.

Dagoeneko 20 lagunek eman dute izena, baina oraindik ere 4-5 lagun gehiagorentzako lekua  bada. Izena emateko deitu 943 121775 telefonora edo idatzi admin@badihardugu.com helbidera.

10 orduko ikastaroa 18:30-20:30 bitartean eskainiko da azaroaren 6, 13, 20, 27an eta abenduaren 4an.10€ ordaindu behar da.

UEU UDAZKENA: BILEREN DINAMIZAZIOA

Ikastaroa Eibarko Markeskoa Jauregian eskainiko da azaroaren 9an eta 10ean. Guztira 12 orduko iraupena izango du eta bileren dinamizazioan sakondu nahi duen edonori dago zuzendua.

Oraindik izena emateko aukera dago.

Informazio gehiago hemen aurkituko duzu.

IÑAKI SALVADOR COLISEOAN

Lilurarik ez. Mikel Laboarekin solasean da Iñaki Salvadorrek omenaldi gisa, hirukotean eta jazz ikutuekin sortu duen diska.

Iñaki Salvadorren lana Coliseoan gozatzeko aukera izango da urriaren 26an, ostirala, 20:30ean.

Sarrera 8€ da.

Esan daiteke Mikel Laboarekin 25 urtean pianojole jardun duen Iñaki Salvadorrek bezain ongi gutxik ezagutzen dutela bere obra. Iñakik diska honetan ez du bertsio errazak eta atsegingarriak egitea bilatzen, Laboaren obrarekin aurrez aurre topa gaitezen giroa sortzen saiatzen da.

EIBARRERA IKASTAROA AZAROAN

Eibarko Udalak, Udal Euskaltegiak eta Badihardugu Euskara elkarteak lankidetzan "Eibarko euskara" ikastaroa antolatu dute.

Ikastaroaren iraupena 10 ordukoa izango da. Azaroko astearteetan (6, 13, 20 eta 27) eta abenduaren 4an, izango dira saioak 18:30etik 20:30era.

Izen-ematea urriaren 31n amaituko da eta modu honetan egin behar da:

UEU UDAZKENA: UBUNTU, ORDENAGAILUA MODU ERRAZ ETA LIBREAN ERABILTZEKO

Ubuntu: ordenagailua modu erraz eta librean erabiltzeko ikastaroan izena emateko epea urriaren 8an bukatuko da. On-line izango da, eta Ikasgelako saioa urriaren 15ean izango da 17:00-20:00 bitartean, Eibarko Markeskoa jauregian.

Informazio osoa hemen.